كيفية تحضير فقاص ناجح و مضمون
طريقة تحضير فقاص ناجح و مضمون بالصور و الخطوات
كيفية تحضير فقاص ناجح بأسراره
مقادير تحضير فقاص ناجح
3 بيضات
كاس سكرسنيدة
كاس زيت
1 فاني
رشة ملح
خمارة ونصف
ثلث كأس زنجلان
1كأس لوز مرطب ليلة في الماء بارد من بعد ما فرقته على النصف بالطول
450غ دقيق (ممكن 500غ على حسب رطوبة الدقيق)
يمكن إضاف الزبيب أبيض
فواكه معسلة ملونة
**العبار بكأس العنبة
طريقة تحضير فقاص ناجح
نمزج البيض والسكر والزيت والملح ولفاني مزيان
من بعد نزيد الطحين وخميرة الحلوى بشوية بشوية حتى يتجمع العجين
و يكون شوية مرخوف
أنا قسمت العجين على 2
نصف عملت له اللوز و الزنجلان
و النصف الآخر عملت له الفواكه المعسلة
**ملحوظة إذا كنت غاتعملي غير واحد فيهم مزجيه من الاول
مع السوائل يكون افضل.
ومن بعد نقسموا كويرات على حسب الرغبة
وعلى حسب حجم الفقاص كيف بغيتوه
نعملوهم على شكل قضبان
و نكرصوهم شوية (هذا السر الأول باش ما يتفتتش الفقاص)
دهنتهم بخليط نصف كاس صغير حليب بارد مذوبة فيه ملعقة نسكافيه
نشرطوهم بالفورشيط و نثقبهم بالإبرة (السر الثاني)
ندخلهم الفرن ما يكونش سخون و نشعل غير الجهة السفلية
و يطيب على عافية مهيييلة (السر الثالث)
حتى يتحمر من تحت عاد نشعلو الفوق أيضا نار مهيلة
و تكون صينية الفرن بعيدة على العافية
ملي يتحمر نغطيه بمنديل مبلل بشوية الماء
و نخليه يبرد مزيان
انا وجدته في الصباح
و حتى العشية عاد قطعته
التقطاع على حسب الرغبة ممكن يكون شوية مائل
او يتقطع عادي كيف عملت انا
نستفوهم في صينية الفرن
و ندخلوهم الفرن مرة ثانية باش يتحمر
و يقدم مع كويس ديال أتاي بالصحة و العافية
مع خالص دعائكم
سعاد ام علي
الطريقة جميلة جدا وجربتها وعجبتني جدا انا والاولاد شكرا ليكم
ردحذفىاى
حذفانا غدي انجرب انشاا الله شكرا.
ردحذفشكرا اختي ربي احفظك
ردحذفشكرا ليك اختي تا انا جربتو
ردحذفشكرا أختي الكريمة حفظك الله ورعاك وسدد خطاك
ردحذف