طريقة تحضير السفة المدفونة بالدجاج

أكمل المقال

طريقة تحضير السفة المدفونة بالدجاج

مقادير و طريقة تحضير الدجاج

دجاجة وزن كيلو و نص نغسلوها مزيان و نخليوها تنشف

نقطعها ثم نضعها في طنجرة نضيف إليها

1 بصلة محكوكة و بصلة مقطعة طريفات صغار

نضيف التوابل * ملح , إبزار, خرقوم بلدي,

 سكنجبير, 1 عود قرفة, شوية زعفران حر, و شوية سمن,

نصف كأس مخلط زيت زيتون و زيت نباتية, 

نخلي الكل يتقلى شوية و نضيف كأس ماء كبيرو ربطة قزبر

 و نخليها تنضج

عندما يطهى الدجاج نزيله من المرق و نفتته

بالنسبة للمرق نضيف إليه شوية قرفة مدقوقة و ملعقة عسل 

نخليه شوي على النار حتى يولي المرق مدغمر

 ثم نضيف إليه الدجاج حتى يتشرب المرق

طريقة تحضير السفة

ندهن نصف كيلو سفة بالزيت 

و نضعها في الكسكاس لمدة 20 دقيقة حتى يطلع الفوار مزيان

نقلب السفة في إناء عميق أو بانيو و نصب عليه الماء البارد

و نقلب السفة بأيدينا

نصب الماء للتخلص من النشا 

ثم نعيد الكرة مرة أخرى نصفي السفة في الكسكاس

 و نضعها في القصرية حتى تنشف مزيان

ثم نضعها في الكسكاس مرة أخرى باش تفور لمدة 30 دقيقة 
و نقلبها مرة ثانية في إناء 
ملحوظة** في كل مرة نفورو فيها السفة نغطيو الكسكاس باش يرجع عليها البخار

و ترش جيدا بالماء المملح حتى تتفك كلها

  و نخليها مرة تانية تشرب الماء مزيان

و نردوها الكسكاس تتفور مرة ثالثة 

و المرة الأخيرة ندهنوها بالزبدة و نفككوها بيدينا

 و نضيف إليها شوية سكر صقيل

و نردوها تسخن مزيان

التقديم ( حسب الرغبة)

هنا أخذت إناء عميق وضعت كمية من السفة

ثم وضعت الدجاج بالدغميرة الوسط (ممكن تزيدو عليه لوز مهرمش )

ثم وضعت الكمية الباقيه من السفة

و قلبت الإناء في طبق التقديم و زينته باللوز و القرفة

و يمكن تقديمها أيضا على هذا الشكل بدون ما نفتتو الدجاج

 و يقدم بالصحة و العافية