طريقة تحضير مسمن مورق فحال الرزيزة
مقادير مسمن مورق قريب للرزيزة
كنحتاجو لعجين المسمن عادي فيه
2 زلايف حرش - زلافة فورص
شوية خميرة الحلوة - ملح - ملعقة صغيرة سكر
زبدة و زيت باش نورقو المسمن
طريقة تحضير مسمن مورق قريب للرزيزة
نعجنو بالماء دافي و العجين يكون قاصح شوية ميكونش رطب
ندلكوه مزيان حتى يرطاب و نخليوه يرتاح 15دقيقة
كنعملو كويرات على حسب الحجم المرغوب فيه
و نورقوها مزيان بالزبدة و الزيت
و ممكن نسرحوها على شكل طولي
من بعد كنشرطوها بالقطاعة ديال البيتزا على شكل أشرطة رقيقة
انا عملت أشرطة شوية سميكة..ممكن ترققوها اكثر
و ندهنو يدينا بالزبدة مذوبة و حنا كنلويوها
مني نساليو كلشي الكويرات لعندنا نطيبوهم في المقلة
و نقدموهم مع الزبدة و العسل بالصحة و العافية
fdddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddddd
ردحذف